परमादेश देउवा सरकारको कमाल, हप्तैपिच्छे मूल्य बृद्धि उपहार

परमादेश देउवा सरकारको कमाल, हप्तैपिच्छे मूल्य बृद्धि उपहार

काठमाण्डौँ । सर्वोच्च अदालतको परमादेशबाट बनेको शेरबहादुर देउवा नेतृत्वको सरकारले हप्तै पिच्छे इन्धनको मूल्यवृद्धि गरेर जनताको ढाड सेक्न थालेको छ । अघिल्लो पटक मूल्यवृद्धि गरेको समाचार आलैहुँदा सरकारले फेरी पनि इन्धनको मूल्यमा भारी वृद्धी गरेको छ ।

पटक पटको मूल्यवृद्धि बाट जनताहरु मारमा परेका छन् । शेरबहादुर देउवा प्रधानमन्त्री भएयता झण्डै आधा दर्जन पटक मूल्यवृछि भैसकेको छ ।

सरकारले फेरि पेट्रोलियम पदार्थको मूल्य बढाएको छ । खाना पकाउने ग्यासको पनि मूल्य बढेको छ ।नेपाल आयल निगमले पेट्रोल, डिजेल र मटितेलका प्रतिलिटर ३ रुपैयाँले वृद्धि गरेको छ । खाना पकाउने एलपी ग्यासको मूल्य प्रतिसिलिन्डर ७५ रुपैयाँले बढाएर १५ सय ७५ रुपैयाँ कायम गरिएको छ ।

अब पेट्रोल लिटरको १३६ रुपैयाँ पुगेको छ भने डिजेल मटितेलको प्रतिलिटर मूल्य ११९ रुपैयाँ भएको छ । आन्तरितर्फको हवाई इन्धन प्रतिलिटर ५ रुपैयाँ बढाएर १०१ रुपैयाँ पुर्‍याइएको निगमका सहायक प्रवक्ता पुस्कर कार्कीले जानकारी दिए ।

त्यसैगरी अन्तर्राष्ट्रिय उडानतर्फको हवाई इन्धनको मूल्य अब प्रतिकिलोलिटर ८९५ अमेरिकी डलर पुगेको छ । निगमले गत कात्तिक १२ गते पनि तेलमा प्रतिलिटर ३ रुपैयाँ ग्यासमा प्रतिसिलिन्डर ५० रुपैयाँले वृद्धि गरेको थियो ।

मूल्य समायोजन पछि पनि निगमलाई पेट्रोलमा प्रति लिटर रू१७.५८, डिजेलमा १३.१४ रुपैयाँ घाटा रहेको निगमले बताएको छ । ग्यासमा प्रति सिलिन्डर रू ६५७.८४ घाटा छ । १५ दिनमा निगमलाई २ अर्ब ६२ करोड घाटा हुने निगमको प्रक्षेपण छ ।

Leave a Reply

Your email address will not be published. Required fields are marked *