जिन्दगीभर प्रधानमन्त्री हुन्छु भन्ने सोचेका ओलीको बालुवाटारमा यतिसम्म रोल, बालकोट पुगेको ३ महिनापछि पूर्व प्रधानमन्त्रीले नै खोलिदिए पोल

जिन्दगीभर प्रधानमन्त्री हुन्छु भन्ने सोचेका ओलीको बालुवाटारमा यतिसम्म रोल, बालकोट पुगेको ३ महिनापछि पूर्व प्रधानमन्त्रीले नै खोलिदिए पोल

तत्कालिन प्रधानमन्त्री केपी शर्मा ओलीको पोल पूर्व प्रधानमन्त्रीले नै खोलिदिएका छन् । एमाले अध्यक्ष ओलीको पोल नेकपा माओवादी केन्द्रका अध्यक्ष पुष्पकमल दाहाल प्रचण्डले खोलिदिएका हुन् ।

प्रधानमन्त्री केपी शर्मा ओलीले आफ्नो प्रयोगका लागि महंगा विदेशी सामानहरु बालुवाटारमा थुपारेको बताए । उनले बालुवाटारस्थित निवास दरबारजस्तो बनाइएको र विदेशबाट महँगा‘–महँगा सामान ल्याएर प्रयोग गरेको बताएका हुन ।

आज चितवनको भरतपुरमा आयोजित एक कार्यक्रममा प्रचण्डले भने, ‘थाइल्याण्ड, इटाली, रोमबाट यति महँगा महँगा सामान ल्याएर त्यहाँ थुपारेको रहेछ हेर्नुस् । त्यो देख्दा अरु त अरु शेरबहादुर देउवाले जिब्रो टोक्नु भाछ रे ।’

प्रचण्डले थपे, ‘नुहाउनका लागि ल्याएको अरबौं, करोडौंको छ ।’विदेशबाट महँगा सामान ल्याएर प्रयोग गरिएकोबारे गठबन्धनमा छलफल भएको भन्दै प्रचण्डले त्यो सार्वजनिक हुँदै जाने पनि बताए ।

प्रचण्डले भने, ‘अस्ति हामीले कुराकानी गर्यौं गठबन्धनमा । यो कुरा त जनतालाई थाहा हुनुपर्‍यो। अरबौंको सामान विदेशबाट ल्याउने प्रधानमन्त्री र म जिन्दगीभर प्रधानमन्त्री हुन्छु भन्ने देख्ने प्रधानमन्त्रीलाई नेपाली जनताले चिन्न पर्यो र आउने चुनावमा के सजायँ दिनुपर्ने हो जनतालाई नै फैसला गर्न दिनुपर्यो । यो कुरा अझ बिस्तारै आउँदैछ के के सामान भन्ने कुरा ।’

प्रचण्डले थपे, ‘नुहाउनका लागि ल्याएको अरबौं करोडौंको छ ।’ती महँगा सामान उपभोग गर्न प्रचण्डले नदिएको भनेर ओलीले रिस गरेकोसमेत प्रचण्डले बताए । उनले भने, ‘ती महँगा सामान उपभोग गर्न नपाउने कसले बनायो ? मलाई लाग्या छ, नेपाली जनताले बनायो ।

आफू पहिलोपटक प्रधानमन्त्री हुँदा डेढ लाखको खाट प्रयोग गर्यो भनेर हल्ला चलाइएको तर ओलीले थाइल्याण्ड, इटलीलगायत देशबाट अरबौं करोडौंको सामान ल्याएर प्रयोग गरेको प्रचण्डको भनाइ छ ।

Leave a Reply

Your email address will not be published. Required fields are marked *