रामकुमारी झाक्री र बिरोध खतिवडाको भिडन्त, माधब नेपालको दलभित्र पलाउन थाले गुट उपगुटका हागाँहरु

रामकुमारी झाक्री र बिरोध खतिवडाको भिडन्त, माधब नेपालको दलभित्र पलाउन थाले गुट उपगुटका हागाँहरु

नेकपा एकीकृत समाजवादीमा कसको नेतृत्वमा सरकारमा सहभागी हुन्ने भन्ने विषयलाई लिएर विवाद सुरु भएको छ । सचिव रामकुमारी झाँक्रीको नेतृत्वमा सरकारमा जाने कि पोलिटब्युरो सदस्य बिरोध खतिवडाको नेतृत्वमा सरकारमा जाने भन्ने विषयमा नेकपा एसमा आन्तरिक विवाद सुरु भएको हो ।

पार्टीमा झाँक्री उच्च बरियतामा सिनियर भएकाले उनको नेतृत्वमा सरकारमा जानु पर्ने एक पक्षको भनाइ रहेको छ भने अर्को पक्षले लामो समयदेखि सांसद र उमेरले पनि परिपक्क भएकाले खतिवडाको नेतृत्वमा सरकारमा सहभागी हुनुपर्ने जोड दिन थालेका छन् । भदौ ९ गते निर्वाचन आयोगले नेकपा एकीकृत समाजवादीलाई दलको मान्यता दिएको हो । उक्त दल नेकपा एमालेबाट विभाजन भएर बनेको हो ।

नयाँ दल बनेको एक महिनामा नै कसको नेतृत्वमा सरकारमा सहभागी हुने भन्ने बारेमा विवाद हुनु राम्रो नभएको नेकपा एसका एक केन्द्रीय सदस्यले बताए । कम्युनिस्टमा पार्टीको नेतृत्वलाई सिनियर मान्ने भएकाले पदका हिसाबमा पनि झाँक्री सचिव भएकाले उहाँले नै नेतृत्व गर्दा सकारात्मक सन्देश जाने एकथरीले चर्चा गर्न थालेका छन् ।

अर्को थरीले संसदीय अभ्यासमा खतिवडा पोख्त भएकाले उहाँको नेतृत्वमा जादा परिपक्वता देखिने तर्क गर्न थालेका छन् । पाँच दलको सहभागीतामा सरकार बनेको ८० दिन पुग्न लाग्दा पनि मन्त्रीपरिषद विस्तार हुन सकेको छैन । अध्यक्ष नेपाल खतिवडाको नेतृत्वमा सरकारमा पठाएर पदाधिकारीलाई हैसियत देखाउने सोचमा हुनुहुनछ । तर पदाधिकारीलाई अपमान गर्न नपाइने भन्दै महासचिव बेदुराम भुसाल नै आपत्ति जनाइरहनुभएको ती नेताले बताए ।

Leave a Reply

Your email address will not be published. Required fields are marked *