नयाँ मापदण्डमा सवारी चालक अनुमतिपत्र ( driving license ) को परीक्षा हुने [विशेष जानकारी]

नयाँ मापदण्डमा सवारी चालक अनुमतिपत्र ( driving license ) को परीक्षा हुने [विशेष जानकारी]

काठमाडौं । कोरोना भाइरस (कोभिड–१९) महामारीका कारण लामो समयदेखि रोकिएको सवारी चालक अनुमतिपत्र (लाइसेन्स) ( driving license ) परीक्षा सञ्चालन हुने विशेष जानकारी आएको छ ।

यातायात व्यवस्था विभागका अनुसार अब केही दिनपछि परीक्षा सञ्चालन हुने छ । महामारीको जोखिम कायमै रहेकाले निश्चित मापदण्ड पालना गरी परीक्षा सञ्चालन गरिने विभागका सूचना अधिकारी लोकनाथ भुसालले जानकारी दिनुभयो ।

विभागले लाइसेन्स परीक्षा सञ्चालन तथा व्यवस्थापनसम्बन्धी मापदण्ड २०७८ तय गरिसकेको छ । भुसालका अनुसार परीक्षार्थीहरूलाई ट्रायल हुने समय तोकी २४ घन्टाअगाडि जानकारी गराइने विभागले जनाएको छ ।

तोकिएको समयमा उपस्थित नभए सो दिनका अन्य सिफ्टमा समेत सामेल हुन नपाउने विभागको भनाइ छ । परीक्षा सञ्चान गर्दा एक सिफ्टमा बढीमा ५० जना परीक्षार्थी मात्रै सामेल गराइने मापदण्डमा उल्लेख छ ।

मापदण्डअनुसार परीक्षार्थीहरुले केन्द्रमा प्रवेश गर्नुअघि मास्क, स्यानिटाइजर र पिउने पानीको व्यवस्था आफैँ गर्नुपर्नेछ। परीक्षा सुरु हुनु १५ मिनेट अगाडि मात्रै केन्द्रमा उपस्थित हुनुपर्ने छ। परीक्षार्थीहरुले केन्द्रमा प्रवेश गर्दा, शौचालय जाँदा अथवा निस्किदा भिडभाड गर्न पाइने छैन।

विभागले डेढ महिनाअघि नै परीक्षा सञ्चालन गर्ने गृहकार्य अघि बढाएको भएपनि कोरोना महामारीका कारण रोकिएको थियो । लाइसेन्सको लागि लगभग ६ लाखले आवेदन दिएको भुसालको भनाइ छ ।

Leave a Reply

Your email address will not be published. Required fields are marked *