विद्युत् प्राधिकरणका कार्यकारी निर्देशक हितेन्द्रदेव शाक्यले चार वर्षका लागि नियुक्त भएको हुँ, राजीनामा दिन्न भने पछी अब के हुन्छ त?

विद्युत् प्राधिकरणका कार्यकारी निर्देशक हितेन्द्रदेव शाक्यले चार वर्षका लागि नियुक्त भएको हुँ, राजीनामा दिन्न भने पछी अब के हुन्छ त?

काठमाडौं । सरकारले राजीनामा मागेपछि नेपाल विद्युत् प्राधिकरणका कार्यकारी निर्देशक हितेन्द्रदेव शाक्यले प्रतिकृया जनाउनु भएको छ । उहाँले राजीनामा नदिने जवाफ फर्काउनु भएको हो । प्रधानमन्त्री शेरबहादुर देउवाको निर्देशनमा ऊर्जा, जलस्रोत तथा सिँचाइमन्त्री पम्फा भुसालले कार्यकारी निर्देशक शाक्यलाई राजीनामा दिन भन्नु भएको थियो ।

तर, शाक्यले तत्काल राजीनामा नदिने र सरकारले हटाए अदालतमा जाने बताउनु भएको छ । निवर्तमान प्रधानमन्त्री केपी शर्मा ओली नेतृत्वको सरकारले आफूलाई चार वर्षका लागि नियुक्त गरेको भन्दै राजीनामा दिन अस्वीकार गर्नुभएको हो ।

प्रधानमन्त्री देउवाले प्राधिकरणमा कुलमान घिसिङलाई नियुक्त गर्न ऊर्जामन्त्री भुसाललाई निर्देशन दिइसक्नु भएको छ । निवर्तमान सरकारबाट नियुक्ति पाउनु भएका शाक्यलाई कार्यसम्पादन राम्रो नभएको भन्दै कार्यकारी निर्देशकबाट हटाउने तयारी भइरहेको छ ।

उहाँले राजीनामा नदिए स्पष्टीकरणमार्फत् हटाउने तयारीमा ऊर्जामन्त्री भुसाल हुनुहुन्छ । ओली सरकारले घिसिङको कार्यकाल सकिएको झण्डै पाँच महिनापछि २७ माघ २०७७ मा सरकारले शाक्यलाई प्राधिकरणको कार्यकारी निर्देशक नियुक्त गरेको थियो ।

Leave a Reply

Your email address will not be published. Required fields are marked *